شارك عدد من نجوم الفن في التريند الجديد الذي يحمل عنوان “صورة متصورتهاش”، القائم على استخدام تقنيات الذكاء الاصطناعي، والذي حاز على اهتمام الكثيرين من رواد مواقع التواصل الاجتماعي خلال الساعات الماضية، ونشرت النجمة روجينا عبر حسابها الشخصي على فيسبوك صورة لها بشخصية فدوى التي جسدتها خلال أحداث مسلسل البرنس مع النجم محمد رمضان، وعلقت عليها قائلة: «صاحب الفضل».
محمد محمود عبد العزيز ووالده
فيما نشر الفنان محمد محمود عبد العزيز صورة له مع والده الفنان الراحل، عبر حسابه على الفيسبوك، وعلق عليها قائلا: قائلاً: «عندي كلام كتير، لكن ملخصه إن حضرتك وحشتني أوي، وأي كلام تاني مش مهم، آرائكم الفاتحة والدعاء لأبويا وأحبابكم اللي رحلوا عنّا».
مصطفى غريب وهيفاء وهبي
فيما نشر الفنان مصطفى غريب صورة له مع النجمة هيفاء وهبي وعلق عليها بطريقة ساخرة مستخدما جملة هيفاء الشهيرة من فيلم دكان شحاتة: “كتب كتابك النهارده، علي جثتي يا كرم لأ على عربي والمأذون جاي في الطريق وريني هتعملي ايه”.
هنيدي وعلاء ولي الدين
فيما نشر النجم محمد هنيدي عبر حساباته على السوشيال ميديا صورة تجمعه بصديقه الراحل علاء ولي الدين.
ريهام وأشرف عبد الغفور
ونشرت ريهام عبد الغفور صورتها مع والدها الفنان الراحل أشرف عبد الغفور، عبر حسابها الرسمي على “فيسبوك”، وعلقت عليها قائلة: “وحشتني”.
دينا الشربيني ووالدها
كما نشرت الفنانة دينا الشربيني صورة لها تجمعها بوالدها الراحل، عبر حسابها الشخصي بموقع التواصل الإجتماعي فيسبوك، وعلقت عليها قائلة: “أحسن صوره جاتني ف حياتي، الله يرحمك يابابا”.
جونيور مع جده
كما نشر الفنان الشاب محمود ياسين جونيور، صورة له مع جده الفنان الراحل الكبير محمود ياسين.
باسم ونيللي
كما نشر الفنان باسم سمرة، صورة له مع نيللي كريم (زوجته في مسلسل ذات)، وكتب في التعليق: «التايم لاين دلوقتي».
آيتن عامر ووالدها الراحل
وكتبت آيتن عامر عبر حسابها على فيسبوك على صورتها مع والدها الراحل: “وحشتنى اوى اوى اوى وحقيقي محتاجالك، الدنيا مش حلوة يا بابا ولا الناس كمان، كل مرة بتحط فى اختبار صعب أو أزمة مفيش حد بيجيى فى دماغى غيرك، اول واحد بيبقى نفسي اجرى عليه واقوله الحقنى بيبقى انت، وجودك كان هيفرق اوى اوى، يمكن عمرى ما قولت ان غيابك مسببلى ازمة كبيرة ولا قولت اللى جوايا، بس هييجى يوم وابقى قوية كفاية انى أواجه وجع قلبي و اطلع كل الكلام اللى جوايا ومقولهوش”.
وتابعت: “زعلانة منك فى حاجات ومفتقداك فى حاجات اكتر بكتير ومتأكدة ان لو كنت موجود كنت هتبقى السند بس غيابك خلانى أنا السند لنفسي وللى حواليا كمان ، لأن فيا منك كتير خصوصا قوتك وجدعنتك مع الكل ، بس أنا تعبت من كتر القوة وزهقت مبقتش عايزة ادخل حروب ولا عايزة مشاكل، اللى عايز يفهم حاجة يفهمها واللى عايزة ياخد فكرة ياخدها لا هبرر ولا هدافع”.
واستكملت: “بس اتطمن بنتك بميت راجل و مهما قابلت هتفضل واقفة ورأسها فى السما هتاخد استراحة محارب وعمرها ما هتبدأ حروب بس دايما هتكون مستعدة وجاهزة لاى حاجة وساعتها مش هيكون فى احتمالية للخسارة”.
واختتمت: “بحبك ووحشتنى وزعلانة منك ومشبعتش منك وجوايا وجع كبير بس مش هقولك غير كلمة واحدة اتطمن بنتك قدها الترند صورة متصورتهاش دة منتشر اوى اليومين دول واول ما السوشيال ميديا تيم بعتولى الصورة لقتنى بكتب كلام كتير من قلبي وجوايا اكتر من كدة مليون مرة و عندى صور كتير اوى ناقصها وجود بابا حقيقي اسفة لو طولت عليكوا شكلى فضفضت أوي”.
