أثار الموسيقار هاني فرحات الجدل، وذلك بعد نشره صورة له برفقة الفنان محمد عبده أثناء إحياءه حفل غنائي في السعودية، مما جعله يتصدر قائمة مؤشرات محرك البحث جوجل.
وظهر هاني فرحات وهو يقبل يد محمد عبده، حيث قام بنشر تلك الصورة عبر صفحته الرسمية على موقع التواصل الاجتماعي فيس، مما عرضه للهجوم واﻻنتقادات من متابعي.
وخرج هاني فرحات عن صمته، في منشور كتبه عبر صفحته الرسمية بموقع التواصل الاجتماعي فيس بوك، وقال: “أنا هاني فرحات، مواطن مصري اتعلمت أحسن تعليم في بلدي، وسافرت إلى أوروبا وقدمت موسيقاي في أرقى المسارح، ولفيت العالم كله مع World Philharmonic Orchestra ممثلًا للفن العربي والمصري بكل فخر”.
وتابع: “رجعت بلدي مصر، وبدأت أقدم اللي اتعلمته في الوطن العربي كله، ناشرًا رسالة الفن والموسيقى والمعرفة في كل مكان، وبعد سنين من العمل والجهد، تم تكريمي في دول عربية وعالمية، وأغلى تكريم حصلت عليه كان من بلد قدّرت فني ومنحتني جنسيتها واعتزازها بما قدمت من موسيقى وإبداع”.
وأضاف: “النهارده أنا مسؤول عن نشر الثقافة والتراث السعودي في دول العالم، وده شرف كبير أعتز بيه، زي ما أفتخر دايمًا إني مصري، وابن لأكبر بلدين في الوطن العربي: مصر والسعودية، ومصر، من عند ربنا، كرمها بفنانين وموسيقيين عظماء أسسوا للفن العربي مكانة عالمية، والحمد لله إن عندنا في مصر الكونسرفاتوار، اللي اتعلمنا فيه تعليم بمستوى راقٍ جدًا، وكان وما زال أكبر وأعرق مؤسسة موسيقية في الوطن العربي لتعليم الموسيقى الكلاسيكية، وده السبب إن مصر بتحتفظ بالمكانة الأولى في التعليم الموسيقي والفن الراقي، وبتفضل دايمًا منارة للفكر والإبداع”.
واستكمل: “عيب جدًا الكلام اللي بشوفه على السوشيال ميديا، وعيب الحملات اللي بتحاول توقع بين بلدين شقيقين إحنا بلد السلام، وبلد الفن، وبلد الحضارة من إمتى الفن بقى وسيلة خصام؟ الفن رسالة سلام، والموسيقى دي مش من صنع البشر، دي من صنع الله سبحانه وتعالى، الموسيقى موجودة في صوت المطر، في الرياح، وفي كل تفصيلة من تفاصيل الحياة ماينفعش نقول مفيش فن غير في مصر، أو مفيش فن غير في السعودية الفن موجود في كل مكان، وكل بلد ليها تراثها وثقافتها، ومن حقها تنشرهم للعالم إيه اللي حصل؟ وليه فجأة بقينا ننتقد بعض؟”.
واختتم: “الموسيقى، والعلم، والفكر، كتاب واحد هو الكتاب الكلاسيكي وأي شكل آخر من الفن هو تعبير عن ثقافة بلد وتاريخها وهويتها كل بلاد العالم ليها موسيقاها، وليها فنها، وليها مطبخها، ولبسها، وطريقتها في الحياة ولازم نحترم بعض أكتر من كده، لأن الاحترام هو أساس الفن، والسلام هو رسالته”.
وكان هاني فرحات رد على الهجوم الذي طاله بسبب تلك الصورة في وقت سابق، قائلًا: “الفنان محمد عبده هو والدي، ودايمًا أفخر إني واقف جنبه على المسرح، كل يوم بحمد ربنا إنه لسه على المسرح وبيغني، وبيسعد الناس بفنه وصوته العظيم.
ربنا يطوّل في عمره ويبارك في صحته”.
وواصل: “استغربت من بعض الانتقادات اللي خرجت مؤخرًا، خصوصًا إنها موجهة لشخص كبير في السن وله تاريخ فني مشرف، الغريب إن الهجوم راح ناحية السعودية، مع إن لسه امبارح كان نشر صور وأنا بسلم على الفنانة أنغام وببوس إيدها من محبتي واحترامي ليها اختي، وماحدش شاف ده غلط، مصر والسعودية دايمًا إخوات، وبينّا محبة وتاريخ كبير، وملايين من المصريين عايشين في السعودية في سلام وود واحترام”.
وأوضح: “أما بالنسبة لارتداء … إلزي السعودي! دي جلسة سعودي مش حفل عادي، وده جزء من ثقافة البلد، هنا موظفين البنوك بيرتدوا التوب، والسؤال: هل لو مصري شغال في بنك ولبس التوب حيتعرض للنقد بردو ولا بس الفنانين دلوقتي اللي محط الانتقاد؟”.
محمد عبده”>واختتم: “وهل كل مصري بيشتغل في دول الخليج بيبقى مادي ورايح عشان الفلوس؟ ولا دي فرص عمل؟ عارفين إن في ملايين المصريين عايشين في الخليج؟ إحنا فوق الـ120 مليون وموجودين في العالم كله بثقافتنا، وفننا، وتعاليمنا… مهندسين، دكاترة، أساتذة، وكمان فنانين وموسيقيين. عيب عليكم. إحنا أهل واحدة… مصر والسعودية شعب واحد”.
